You are here
Home > News > Kanatakonhró:non shé:kon tehotirihwatí:ronte’ oh ní:ioht tsi aontonte’nienténhstonke’ ne onekwénhsa

Kanatakonhró:non shé:kon tehotirihwatí:ronte’ oh ní:ioht tsi aontonte’nienténhstonke’ ne onekwénhsa

Ratironhia’kehronòn:ke, Kanatakonhró:non Ska’nikòn:ra Tsi Ia’tehotirihwaientà:se Raotitióhkwa sahontkennísa’. Tho nón: tionatahsnié:nen ne Kahnawà:ke Katsénhaienhs Kahsennénhawe Sky-Deer tánon’ Kahnawà:ke Tsi Iontatshennaráhkhwa’ Ioió’te Rose-Ann Morris. (Jessica Oskenón:ton, Kanien’kehá:ka Na’kòn:ne Rontehnhohanónhnha’ Tewaterihwarenià:tha’)
[juiz_sps buttons=”facebook, twitter, mail”]
Áhsen nónteratste’ tsi wahontkennísa’ ne Kanatakonhró:non Ska’nikòn:ra Tsi Ia’tehorihwaientà:se Raotitióhkwa ne Kahnawà:ke Iontatshennaráhkhwa’ Kaianerénhsera aorihwà:ke, tánon’ áro’khe thia’tehotirihwaientà:se oh nahò:ten akentónhake’ ne “Kanien’kehá:ka Teiohsotsherá:ne.”

Ratironhia’kehronòn:ke, Thotiién:ton’s Raotitióhkwa nón:we thonatkenníson, tho ítewe’skwe’ ne Kahsennénhawe Sky-Deer, Kahnawà:ke Katsénhaienhs, ioteríhonte ne akahiatonhserenhá:wake’ tánon’ aioió’teke’ ne Kahnawà:ke Iontatshennaráhkhwa’, wa’kèn:ron’, “Tóka’ iah thaiakwakwé:ni’ ska’nikòn:ra aionkwá:ton’se’ tánon’ aiakwará:ko’ oh nahò:ten kén:ton, né: ki’ kén:ton tsi iah tha’takateniónhake’ tsi nahò:ten ó:nen kén:ton, né: tsi iah thaón:ton’ aiakwarihwaka’eniónhseke’.”

Ó:nen áhsen nieioiénhton rotirihwaka’én:ion, tánon’ iah thia’tehotirihwaientà:se.

Ohna’kénhaton shahontkennísa’, tsi nihá:ti tho thón:ne’skwe’ tahonte’nikonhró:ten’ wahón:nehrek tóka’ teiotonhontsóhon aontonhsé:tonke’ tó: ní:kon ne raotinekwénhsa ne onkwehonwehnéha.

Sky-Deer wa’kèn:ron’, “Wahatirihwà:ren’ tóka’ teiotonhontsóhon 25% akénhake’, sok akò:ren’ wa’ì:ron’ 30%, sok 50%. Thó:ne ónhka’k wa’erihwanón:ton’ ne Iontatshennaráhkhwa’ nón:we rotiio’ténion enhatiweiennén:ta’ne’ ne kahwatsiratátie’ kahiatonhsera’shòn:’a, tánon’ ne ohiatonhkwa’shòn:’a. Né: ò:ni’ wa’erihwanón:ton’ ne aionkhina’tón:hahse’ oh neniá:wen’ne’.”

Iontatshennaráhkhwa’ rotiio’ténion wahshakotina’tón:hahse’ ne kahwatsiratátie’ kahiatonhsera’shòn:’a, tánon’ tahónhtka’we’ ne kahiatonhkwatshenriónkwen, tánon’ wahshakotina’tón:hahse’ oh neniá:wen’ tóka’ enkarákwenke’ ne 25, 30 tánon’ 50%.

Iontatshennaráhkhwa’ rotiio’ténion wahonnì:ron’ tsi 1 iohsénhseronte tánon’ 2 tewen’niáwe nihá:ti thatihsén:nare ne Koráhne, nek tsi iah Kahnawà:ke tehatihsén:nare. Ronónha’ se’ enhonate’shennaién:take’ ne enthontatshennínion’te’ tóka’ 4 nihá:ti rotihsotsherá:ien ronnonkwehón:we.

Arlene Beauvais, Kahnawà:ke Iontatshennaráhkhwa’ ioió’te, wa’tkarihwathe’tánion’ tó: nihá:ti enhonate’shennaién:take’ ne aontahontatshennínion’te’ tóka’ 25%, 30%, tóka’ ni’ 50% akarákwenke’.

Sky-Deer wa’kèn:ron’, “Ionkwahkwísron ne aonterihwatén:ti’ nè:’e tsi 1,200 nihá:ti ronate’shén:naien aontahontatshennínion’te’ né: tsi tehotihsotsheranetárion ne 4 nihá:ti ronnonkwehón:we. É:so rá:ti rotinekwenhsí:io ne kèn:’en ahatinákereke’.”

Nek tsi iah akwé:kon teierihwanòn:we’s.

Tseià:ta Kahnawa’kehró:non wa’ì:ron’, “Taiakwà:senhte’ tsi ní:kon teiotonhontsóhon. Kanehsata’kehró:non eniakwá:ton’.”

Ò:ia’ iakón:kwe wa’ì:ron’, “Enkì:ron’ ní: tsi teiotonhontsóhon arónen sha’tahatinekwenhsihénhake’ ne tehotihsotsherá:ne né: tsi iakwanóhstats tsi niionkwarihò:ten tánon’ tsi niiakwaia’tò:ten.”

Nek tsi Sky-Deer wa’akohró:ri’ tsi nihá:ti tho thón:ne’skwe’ tsi tekatáhston ne ahotíniake’ iah tehonnonkwehón:we tánon’ ronnonkwehón:we ne Onerahtohkó:wa 22 shiskare 1981 shiiohserò:ten.

Sky-Deer wa’kèn:ron’, “Tsi nihá:ti iah aóhskon tehonnonkwehón:we ronwatiien’okòn:’a wahotíniake’ ne iah tehonnonkwehón:we – Enhotihsennaksénhake’ tóka’ nowén:ton tenhonatere’seranetárionke’. Kèn:’en ki’ ratinákere, kèn:’en ki’ ronennakerá:ton, tánon’ ronwanehià:ron. Sewate’niéntha’ ne aietshiia’tanónhstate’, nek tsi ienietshiia’tínekenhwe’ ne é:so rá:ti ratihsén:nare nonkwaná:takon. Iah tekaianerenhseraríhsion. Iah tekaianerenhseraién:tahkwe’ ne ‘Seníniak, ia’seniiá:ken’n.’ Wá:tonskwe’ ne akwé:kon tho nahatí:iere’. Enietshihré:wahte’ ken ne òn:wa wenhniserá:te ratinákere né: tsi wa’thotirihwaién:ta’se’ iah shikaianerenhseraién:tahkwe’?”

Kevin Fleischer, Tehatiri’wakéhnhahs Kaia’takehnháhtshera Ronterihwatsterístha’ thaniarotáhrhoks, wahshakohró:ri’ tsi nahò:ten kahiá:ton tenkaté:ni’ tsi nihatiia’tò:ten ne tsi nihá:ti ó:nen ratihsén:nare ne Kahnawà:ke né: tsi kà:ron ne 50% nihonnonkwehón:we.

Fleischer wahèn:ron’, “Ò:ia entsetshinaktónnien’ ne ratihsén:nare né: tsi iah tho teió:re tehotinekwenhsí:io tsi ní:ioht ne ronátia’ke. Né: ní: watió’te ne aontakerihwakétstko’ thí:ken. Iah teká:ton tsi waterien’tahtsheráksen, ká:ton ki’ tsi ò:ia ká:ien ne aionnonhtonnión:ko’ tánon’ aiakehià:rake’.”

Sha’té:kon sha’tewahsén:nen wahatíhsa tsi ronatkenníson, tánon’ iah tehotirákwen oh nahò:ten akentónhake’. Iah tho thaiohtónhake’ tsi nahò:ten tiotierenhtáhkwen wa’kèn:ron’ ne Sky-Deer shontahontáhsawen’ ahontkennísa’, shé:kon ki’ ienshontahsónteren’ enshatihthá:rahkwe’ ne kí:ken nó:nen enshóntkennísa’ ne 26 shenská:rake’ ne Onerahtókha’.

Sky-Deer wa’kèn:ron’, “Shé:kon entsakwarihwaka’én:ion’ tánon’ tentsakwaia’torehtánion’ tsi niió:re entiakwarihwaié:rite’.”

[email protected]
Top

Dear Readers:

As an essential service that is still open during the COVID-19 pandemic, The Eastern Door is fighting hard to keep news like this flowing, in our print product, though an online subscription at www.eastermdoor.com and here, for free, on our website and Facebook.

But when a large portion of our regular revenue has disappeared due to so many other businesses being closed, our circulation being affected by the same issue, and all of our specials canceled until the end of the year, we are looking for alternative ways to keep operations going, staff paid, and the paper out every Friday for you to enjoy.

Please consider a financial contribution to help us keep doing what we do best; telling the stories of our people in a contemporary medium – a solid, continuing archive that documents our cherished, shared history. Your kind donation will go to a newspaper that stands as the historical record, in-depth, informative and award-winning news; colourful stories, and a big boost to the local economy by employing 95 percent local workers.

Also, please consider subscribing to our e-edition, which comes out Thursday night, at www.easterndoor.com today, or pick up your copy Friday morning in Kahnawake, Kanesatake or Chateauguay. Akwesasne delivery has been suspended due to the pandemic and border issues.

We exercise real freedom of the press every single day. Without our reporters fighting for the truth our community would be missing a whole lot of facts, separated from gossip and rumors.

E-transfers are accepted and very much appreciated at: [email protected]